SudaPan

بالفيديو: إعلامي مصري يفتح النار على حمو بيكا: وربنا مش حسيبك يا ساقط يا سباك المهرجانات

0

هاجم الإعلامي المصري محمد موسى، مغني المهرجانات حمو بيكا، ووصفه بـ “سباك المهرجانات “والساقط.

ثقافة متدنية
وقال خلال تصريحات تليفزيونية، إن طريقة رد مغني المهرجانات حمو بيكا، على جمهوره عبر “السوشيال ميديا”، تدل على ثقافته المتدنية.
وأضاف :” حمو بيكا مكتفاش أنه بيرد على أحد رواد صفحته، ولكن كمان تطاول على الجمهور المصري وعلى الدولة المصرية، وللأسف اللي بيسمعوا القرف بتاعك أنت واللي زيك هما السبب أن واحد لو فيه صرامة في الحفاظ على الفن المصري مكناش سمعنا عنه في طبق اليوم ولا حتى في مجلة ميكي ماوس”.

التطاول على مصر
وتابع، “وبعدين يا عم بتقول في ردك إن جمهورك خارج مصر كبير وبيحبك، أرجوك روح لهم وسيبنا في حالنا وكفاية إسفاف كل شوية تطلع علينا بحكاية مقرفة.. والله ما هسيبك يا أنت تبطل تمسك الحديدة يا أنا أبطل إعلام”
ووجه الإعلامي محمد موسى، الدعوة لكل محامي مصر لتقديم بلاغات ضد مغني المهرجانات حمو بيكا، وذلك لتطاوله في ردوده على جمهوره عبر التعليقات على السوشيال ميديا، وكذلك قيامه بالتطاول على مصر في “الكومنتات”.

الوسط الفني
وتابع : “حمو بيكا بيسوق عليكم الهبل، ماسك الطيبة عشان يكتر مشاهداته، كفاية بقا حرام عليكم بطلوا تهتموا بالناس دي اللي لوثت الوسط الفني بما يقدموه من إسفاف”.
وأضاف: “وفي الآخر دي رسالة مني لبيكا، أنت عارف إنك ساقط وبجدارة في نقابة الموسيقيين يا ساقط، هل أنت دفعت للضرائب حقها في دخل اليوتيوب والفيسبوك بتاع صفحتك ولا لأ”.

 

Leave A Reply

Your email address will not be published.