حميدتي: الرهيفة تنقد .. نحن عشان لبسنا الكاكي مابشر؟ هم بمشوا السجون لكن نحنا بنمشي المقابر
- حميدتي: لا فرق بين إغلاق شارع الستين والعقبة
- (نحنا عشان لبسنا الكاكي ما بشر؟ ولا مقطوعين من شجرة؟ ولا ما عندنا أهل؟ ولا ما سودانيين؟ كدي بعد دا نشوف الكلام دا.. بعد دا ما بنلبس كاكي بنجيكم بي جلابية وقميص كَت ونباري الناس ديل.. نخلي الكاكي دا العساكر كتار غيرنا)
- (بعد دا نحن الشارع ما بتهددونا بيه، طلعوا شارع نحنا نطلع الشارع، تاني لعب مافي)
- (معقول إنت زول حاميهو يجي يقول ليك نحن خصمنا من رصيده السياسي، يعني نحنا نكرة؟، والله تاني ما نقعد معاهو في تربيزة واحدة تاني، إلا بالوفاق)
- (قالوا نحن خصمنا من رصيدهم السياسي، إنت القوة لقيتها من وين؟، القوة دي ما ادّيناك ليها نحنا ديل، نحن من منحناهم القوة، لكن أثبتنا أننا غُفراء)
- (الانقلاب مستهدفنا نحنا ديل، هم بمشوا السجون لكن نحنا بنمشي المقابر، يا ودّيناهم المقابر يا ودُّونا المقابر مافي غير دا في الانقلابات)
- نحن من منحناهم القوة، ولن نسكت عن الحق و”الرهيفة تنقد”
- “طفح الكيل” واتهام العسكريين بدعم السيولة الأمنية ليسهل الانقلاب “نفاقٌ”
- تقدمت باستقالتي عن مجلس السيادة ثلاث مرات
